About the course
Trajnim Praktik: Modelim 3D me Fusion 360 në Makerspace Innovation Center Prizren ju mundëson të kaloni nga ideja në ekran, tek produkti i prekshëm. Përgjatë 42 orëve trajnim, do të udhëhiqeni hap pas hapi në zotërimin e një prej softuerëve më të fuqishëm në industri. Pavarësisht nëse synoni të printoni në 3D, të preni me makineri CNC për dru, apo të punoni me prerje të pllakave metalike (Laser Cutting), ky trajnim ju përgatit praktikisht për të gjitha!
Ky program është i përshtatshëm si për fillestarë, ashtu edhe për profesionistë që dëshirojnë të zhvillojnë dhe thellojnë aftësitë e tyre në fushën e dizajnit dhe prodhimit digjital. Ai u ofron një bazë të qëndrueshme atyre që janë në hapat e parë, por njëkohësisht krijon hapësirë për avancim dhe specializim për ata që tashmë kanë përvojë praktike. Programi është veçanërisht i dobishëm për studentë dhe entuziastë të inxhinierisë dhe arkitekturës, të cilët duan të forcojnë aftësitë e tyre në modelim dhe projektim parametrik. Gjithashtu, ai u shërben dizajnerëve të produkteve dhe përpunuesve të drurit që punojnë me makineri CNC, duke i ndihmuar të optimizojnë procesin nga ideja deri te prodhimi. Në të njëjtën kohë, operatorët dhe dizajnerët që punojnë me teknologji të prerjes me laser, përfshirë edhe për metal, do të përfitojnë nga njohuritë mbi përgatitjen e saktë të modeleve dhe fileve të prodhimit efikas dhe profesional.
Ky trajnim ofron një udhërrëfyes të plotë për përdorimin e Fusion 360, duke filluar nga konceptet dhe funksionet bazë e deri te teknikat e avancuara të modelimit dhe projektimit. Pjesëmarrësit do të mësojnë si të krijojnë dizajne parametrike, të cilat mund të modifikohen lehtësisht në çdo fazë të zhvillimit, duke ruajtur fleksibilitetin dhe efikasitetin gjatë procesit të punës. Gjatë trajnimit do të punohet në modelimin dhe asamblimin e projekteve komplekse me shumë pjesë, duke kuptuar logjikën e ndërtimit të komponentëve, lidhjet ndërmjet tyre dhe organizimin profesional të një projekti. Një vëmendje e veçantë do t’i kushtohet edhe përgatitjes së dizajneve për prodhim, përfshirë përdorimin e CAM për CNC, përgatitjen e modeleve për printim 3D dhe optimizimin e skedarëve për prerje me laser. Në përfundim të trajnimit, secili pjesëmarrës do të realizojë projektin e tij final, duke aplikuar në praktikë njohuritë dhe aftësitë e fituara gjatë gjithë programit.
Who leads this course?
Arbër Kryeziu
3D Modelim
Trajner me përvojë në transmetimin e lehtë të udhëzimeve për modelim dhe printim 3D.
