Kush është klienti yt ideal? Le ta zbulojmë në këtë event që mbahet me datë 11.02.2025.

Po e sjellim një event ekskluziv për t’i hedhur dritë Profilit të Klientit Ideal për biznesin/startup-in tënd – strategji që do ta ndryshojë mënyrën se si të qasesh ndaj tregut!

Pse është i rëndësishëm Profili i Klientit Ideal për një biznes ose startup?

Një nga sfidat më të theksuara për bizneset dhe startup-et është të kuptojnë se kë duhet ta targetojnë dhe si t’u qasen klientëve të tyre potencialë. PKI është një strategji që ndihmon ndërmarrësit të kuptojnë se:

– Kush është klienti i tyre më i vlefshëm

– Çfarë janë nevojat e tij dhe si mund t’i plotësojë ato

– Si të targetohen këta klientë me mesazhe dhe oferta të duhura

Pse duhet të merrni pjesë në këtë event?

– Folës special: Mati Barbero – Ekspert ndërkombëtar, mentor i startup-eve, investitor, i cili ka ndihmuar mbi 300 biznese të akselerojnë suksesin e tyre dhe bashkëthemelues i produktit SaaS, Shcoolin 1 me mbi 700.000 përdorues.

– Strategji reale dhe të praktikuara në treg – Mëso metodat, strategjitë dhe implemento ato duke i targetuar klientët e duhur të biznesit/startup-it tënd.

– Mundësi unike për rrjetëzim: Bashkohu me ndërmarrës, biznese, startup-e, profesionistë të fushave relevante dhe ndaj ide e eksperienca të përbashëta biznesore.

Detajet e eventit: 

📅 Data: 11.02.2025, e martë, 18:00h 

📍 Lokacioni: ITP Coworking Space

 Formati: Anglisht

🎟️ Vendet janë të limituara – REGJISTROHU

Ky event mundësohet në partneritet me SwissEp. 

Makerspace Innovation Center Prizren organizon një ngjarje të rëndësishme me datë 20 Qershor 2024, në sallën e konferencave të ITP Prizren. Demo Day, ngjarja ku do të paraqiten arritjet e startup-eve të Programit “Idea-to-Scale”.

Gjatë kësaj ngjarje, 11 startup-e nga kohorta e dytë e këtij programi do të prezantojnë zgjidhjet e tyre të biznesit ku do të shfaqin strategjitë dhe potencialin e tyre për rritje, ndërsa do të përgjigjen pyetjeve nga investitorët potencialë.

Për ata që janë të interesuar për të mësuar më shumë rreth programit “Idea-to-Scale”, ky program është një iniciativë e Makerspace Innovation Center Prizren, e mbështetur nga GIZ Kosovo, Komuna e Prizrenit dhe Swiss EP.

Programi ka filluar në vitin 2022 dhe synon të udhëzojë startup-et drejt suksesit përmes inkubimit, zhvillimit të kapaciteteve dhe edukimit.

Detajet e eventit:

Data: 20 Qershor, 2024
Ora: 14:00
Lokacioni: Salla e Konferencave, ITP Prizren, Prizren

Bashkohuni me ne në “Ups n’ Downs: Ideas into Impact”, një super event që i pret entuziastët a fushave të ndërmarrësisë, startup-et, iniciativat e biznesit, anëtarët e komunitetit e të gjithë që ndajnë storje të përbashkëta të rënies dhe ngritjes.

Shënjoni kalendarin tuaj me 15 maj, në ora 18:00 për të qenë pjesë e një ngjarjeje fantastike, e cila do të mbahet në ITP Prizren.

Të ftuar në event do të jenë:

• Shpend Matusha, bashkëthemelues i startup-it MTech Studio lanson platformën e tij mbi të cilin ka punuar rreth dy vite, duke filluar udhëtimin e tij prej ndërmarrësi fillimisht në kohortën e parë të programit të inkubimit të bizneseve “Idea-to-Scale”.

• Altin Krasniqi, përfitues në edicionin e dytë të programit “Idea-to-Scale” dhe themelues i startupit Web0.

Ky event organizohet nga Makerspace Innovation Center Prizren dhe pritet nga Digital Transformation Center në ITP Prizren.