Në foto: Eriola Uzunaj, Abdulla Kryeziu (përfituesit e programit)
PowerUp: Digital Career është një program unik për trajnime në profesionet më të kërkuara, i cili ka për qëllim ta plotësojë udhëtimin tuaj të aftësimit dhe punësimit, duke iu përgatitur për një treg dinamik dhe divers të profesioneve digjitale. Bazuar në suksesin e realizimit të thirrjes së kaluar në këtë program, vlerën dhe rëndësinë e ofruar për të rinjtë dhe të rejat e Prizrenit, duke i udhëzuar përmes tre fazave themelore: Trajnimi, Mentorimi dhe Punësimi, po e sjellim një mundësi të dytë për zhvillim dhe ngritje professionale.
Programi synon aftësimin dhe avancimin e kapaciteteve të të rinjve/të rejave përfitues/e në fushën e Programimit dhe Dizajnit Grafik. Për të siguruar që të merrni një përvojë të pasur dhe të plotë, fazat e këtij programi do të përfshijnë trajnime intensive, sesione praktike, projekte nga rastet reale, mentorim për shfrytëzimin, përshatjen e aftësive tuaja në vendin e punës dhe udhëzim për gjetjen e punës praktike.
Në foto: përfituesit e programit PowerUp - Grupi i dytë i trajnimit të programimit
Çmimi i pjesëmarrjes në program është 700 EUR. Me mbështetjen e Komunës së Prizrenit dhe Help Kosova, do të ofrohen bursa për pjesëmarrje në program nga 30% deri në 100%, sipas shkallëve:
Përfitimi i bursës eshtë i bazuar në meritë. Të gjithë aplikantët do t’i nështrohen testimit dhe bursat do të shpërndahen për kandidatët që performojnë me rezultate më të larta
Për të qenë pjesë të këtij programit aplikantët duhet t’i plotësojnë kriteret e përcaktuara për këtë program.
Aplikuesit duhet të jenë 18-35 vjeç.
Aplikuesit preferohen të jenë banorë të Rajonit të Prizrenit.
Afati i fundit për aplikim: 17.04.2024
Si përfituese e programit mund të them se ishte një përvojë shumë e mirë dhe me shumë përfitime për mua. Ky program më ndihmoi shumë të zhvilloj aftësitë e mia në dizajn grafik. Pas përfundimit të mentorimit, mu dha mundësia që të nisë punën si dizajnere në Industria Communications. Rrugëtim i jashtëzakonshëm!
Njohuritë e mia paraprake ne dizajn grafik më kan ndihmuar që të kyçem më lehtë në kurrikulat e trajnimit, dhe të përforcoj aftësitë e mija. Programi më ka ofruar projekte të cilat ndihmuan në përforcimin e teknikave të mia në dizajn duke u ekspozuar ndaj trendeve të industrisë dhe praktikave më efikase. Asisitimi pas trajnimit ka qenë i menjëhershëm, dhe tani falë tyre jamë pjesë e Industria Communications.
Ndonëse nuk dija shumë rreth mundësive, ky program më ndihmoi tej mase në avancimin profesional Me përkushtim të madh në trajnim dhe më pas në mentorim, Makerspace me referoi dhe u punësova tek kompania ASTech si zhvillues softueri (programues).
Nga ndjekja e programit në dizajn grafik jam ndarë shumë i kënaqur me njohuritë e përfituara. Trajnimi ka qenë shumë i avancuar sipas kërkesave të tregut dhe përpos fazës trajnuese dhe mentorimit, MICP na ka gjetur kompaninë për punë praktike. Tashmë jam pjesë e kompanisë Atom Klishe si dizajner.
Eksperienca ime në këtë trajnim ishte një udhëtim frymëzues në botën e dizajnit grafik, ku pata mundësinë të eksploroj teknikat, konceptet dhe praktikat më të fundit në fushën e dizajnit. Përmes programit, unë fitova punë praktike në Lart Design Studio, ku po më mundësohet karrierë si dizajner profesionist!
Faleminderit shumë MICP për super mundësinë e pjesëmarrjes në trajnim dhe mentorim. Falë programit dhe asistencës drejt punësimit pas përfundimit, unë tani kam filluar praktikën dhe ndjehem shumë e lumtur!
Si Industria Communications, kompani e specializuar e dizajnit dhe komunikimit, jemi shumë të kënaqur me angazhimin e Elbasanes dhe Efes, dy praktikantët të cilët i ka referuar Makerspace nga programi Powerup. Aftësitë e përfitura gjatë programit po vërtetohen nga ata jemi shumë të kënaqur me përkushtimin e tyre.
Në ASTech mirëpritëm kandidatët të cilët me sukses përfunduan programin PowerUp. Do të vazhdojmë mbështetjen tonë për punësimin e kandidatëve të tjerë të suksesshëm nga ky program dhe të ngjashme.
Ne në Lart Design studio jemi njëra nga kompanitë partnere që kemi pasur fatin të marrim dy nga kandidatët e programit PowerUp: Digital Career. Abdulla Kryeziu dhe Eriola Uzunaj, kanë përfunduar trajnimin e tyre për dizajn grafik, dhe tani janë pjesë e ekipit tonë si praktikantë të dizajnit grafik.
