Zyrtar/zyrtare për front desk:

“Makerspace Innovation Center Prizren” hap një pozitë pune praktike për zyrtar/zyrtare për Front-Desk / recepsion me orar të plotë i cili/e cila asiston në punët e zyrës administrative. Personi në këtë pozitë do ta ketë rolin e përshëndetjes dhe pritjes së vizitorëve në një mënyrë pozitive dhe miqësore, që identifikon qëllimin e vizitës së palëve dhe i drejton ata te personi ose departamenti i duhur.

Detyrat kryesore:

• Të jetë në koordinim dhe të punojë në mënyrë të përshtatshme me zyrën administrative,
• Të tregojë profesionalizëm dhe të jetë efektiv/e ndaj të gjithë klientëve dhe vizitorëve, duke iu ofruar ndihmë dhe duke e adresuar çdo pyetje që iu drejtohen në lidhje me hapësirat e zyrës,
• Të mbajë shënime dhe të njoftojë për pritjen e palëve dhe vizitorëve,
• Të kuptojë nevojat, natyrën dhe qëllimet e vizitave përkatëse,
• Të ketë njohuri të mira të teknologjisë dhe të menaxhimit të kohës dhe të jetë i/e aftë të punojnë në një mjedis të ngarkuar,
• Të përgatisë dokumentacionet dhe materialet e nevojshme për vizitorët,
• Përgjigjja në telefonata dhe drejtimi i thirrjeve te personat e duhur,
• Menaxhimi i e-mail-eve, mesazheve në kanalet sociale dhe zyrtare të Makerspace IC Prizren,
• Të adresojë kërkesat për anëtarësi në hapësirat e përbashkëta të punës,
• Të koordinohet me zyrën e administratës për përdorimet e kartelave të qasjes në hapësira,
• Të përgatisë kërkesat mbi furnizimet e zyrës.

Kualifikimet e kërkuara:

• Arsimimi i lartë ose i mesëm dhe njohuri teknike e administrative;
• Aftësi të shkëlqyera të komunikimit verbal dhe të shkrimit në gjuhën shqipe dhe gjuhën angleze, përfshirë aftësinë për të interpretuar informata, dhënë udhëzime dhe përcjellë informata tek të tjerët;
• Aftësi dhe motivim për të punuar me vetë-iniciativë në kuadër të planeve dhe procedurave të përcaktuara;
• Shkathtësi kompjuterike në aplikacione të programeve (Word, Excel, Power Point, Access);

Pozita është punë afatgjate dhe parashihet punësimi i rregullt pas përfundimit të periudhës së praktikës!

Aplikimi të bëhet duke aplikuar në linkun: https://shorturl.at/rtGIV dhe duke dërguar CV-në emailin: info@makerspaceprizren.com me subjekt emaili: “Aplikim për punë – FrontDesk / Recepsion”.

Afati i fundit për aplikim: 02.05.2024