Makerspace Innovation Center Prizren, fton kompanitë konsulente të kualifikuara që të paraqesin ofertat e tyre për ofrimin e mentorimit dhe mbështetjes për zhvillimin e klientëve për startup-e. Ky shërbim është pjesë e programit “Customer Development Support”, i cili synon të ndihmojë startup-et të përmirësojnë modelet e tyre të biznesit, të validojnë produktet dhe të fitojnë klientë përmes mentorimit praktik dhe udhëzimeve të strukturuara.

Shërbimet e kërkuara për ofertim:

Kompania e përzgjedhur kërkohet të posedojë kapacitete të nevojshme për ofrimin e shërbimeve të mëposhtme për startup-et pjesëmarrëse:

• Mentorim individual për startup-et, me të paktën 10+ orë sesione një-në-një për startup.
• Mbështetje në strukturimin dhe ekzekutimin e procesit të validimit të klientëve.
• Sigurimi i kompletimit të të paktën dy cikleve të validimit për secilin startup.
• Mbështetje në testimin e produkteve me klientë potencialë, duke përfshirë angazhimin e të paktën 10 testerëve për startup.
• Udhëzim mbi strategjitë e rrjetëzimit dhe ndihmë në lidhjen me aktorë të rëndësishëm të industrisë.
• Raporte mujore mbi progresin e startup-eve dhe një raport përfundimtar mbi mësimet e nxjerra dhe rekomandimet për të ardhmen.

Si të aplikoni?

Të gjitha kompanitë e interesuara për ofertim mund ta kërkojnë dokumentacionin përmes postës elektronike info@makerspaceprizren.com, ose mund ta shkarkojnë KËTU.

Afati i fundit për aplikim: 05.03.2025, ora 17:00

Çdo ofertë e cila dorëzohet pas kësaj date do të llogaritet e vonuar dhe nuk do të merret në shqyrtim.

Për informacione shtesë, ju lutem kontaktoni në email: info@makerspaceprizren.com ose në numrin e telefonit: +383 49 473 001.