Me mbështetje të Projektit të Ekonomisë Dixhitale të Kosovës (KODE) dhe programit të tij Youth Online and Upward (YOU), trajnimi ofrohet tërësisht falas!
Makerspace Innovation Center Prizren organizon trajnimin për Video Editim, i mbështetur nga Programi Youth Online and Upward (You Program) nëpërmjet projektit KODE dhe i cili mundësohet tërësisht falas. Në këtë trajnim synohet të trajnohen 20 të rinj/reja nga Regjioni i Prizrenit, i cili zgjat 5 muaj duke përfshirë 200 orë trajnimi në shkathtësi teknike dhe të buta. Procesi i selektimit të kandidatëve në trajnim do t’i ndjek këto faza: aplikimi, testimi dhe përzgjedhja. Bëhuni pjesë e një udhëtimi trajnues dhe zhvilloni kapacitetet tuaja në një mjedis bashkëpunues që ju ofron një përvojë të veçantë të mësimit e të përvetësimit të shkathtësive në botën e video produksionit. Gjatë trajnimit ju ofrohen klasa tërësisht të pajisura me resurse të nevojshme, kurrikulë të mirëfilltë dhe pajisje për mbarëvajtje. Pjesëmarrja në trajnim do të jetë me prani fizike.
Gjatë këtij trajnimi përfituesit do të kenë mundësinë të aftësohen me 165 orë trajnimi në shkathtësitë teknike dhe rreth 35 orë në shkathtësi të buta (soft skills). Në pjesën e trajnimit teknik përfshihet mësimi dhe puna me softuerët Adobe Premiere, Lightroom, Audition etj, të cilat do të praktikohen me krijimin e projekteve reale. Përfituesit do të kenë mundësinë e punës në ambient të hapur dhe të mbyllur, duke i integruar teknikat dhe veglat që përdoren dhe mësohen gjatë trajnimit.
Në kurrikulën e trajnimit përfshihen temat si: Introduction to the World of Video, Touring Adobe Premiere Pro CC, Setting up a Project, Importing Media, Organizing Media, Mastering the Essentials of Video Editing, Working with Clips and Markers, Adding Transitions, Advanced Editing Techniques, Putting Clips in Motion, Multicamera Editing, Editing and Mixing Audio, Sweetening Sound, Adding Video Effects, Improving Clips with Color Correction and Grading, Exploring Compositing Techniques, Creating Titles, Managing Projects, Exporting Frames, Clips, and Sequences, etj.
Certifikimi i dy grupeve të kaluara në trajnimin për Video Editim. Kliko këtu për të lexuar më shumë.
Për të qenë pjesë e këtij programi aplikantët duhet:
Të jetë mbi 16 vjeç dhe nga regjioni i Prizrenit
I/E papunë, apo nënpunësuar
Përparësi kanë aplikantët e paraqitur për punë në qendrat publike të punësimit.
Të ketë njohuri të gjuhës angleze.
Instruktor kryesor në video editim
Profesionist i fushës së video editimit, i cili mund të ekspozojë mjeshtërisht metodat dhe teknologjitë që do të përdoren në trajnim, duke iu udhëzuar në pjesën teknike dhe praktike të trajnimit.
Asistent instruktor në video editim
Profesionist që do t’ju asistojë me projektet e krijuara gjatë trajnimit, nën udhëheqjen e instruktorit kryesor, ku së bashku do t’ju ndihmojnë për një eksperiencë më të mirë të mësimit
Instrukor në shkathtësi të buta
Profesionist i fushës në marrëdhëniet me publikun dhe komunikimin, i cili do t’ju udhëzojë përgjatë sesioneve të trajnimit në shkathtësi të buta.
