Programi “Bootcamp në AI – Lidhja e Diasporës me Kosovën” synoi mbledhjen e të rinjve nga Kosova dhe diaspora për t’i njoftuar ata me inteligjencën artificiale, veglat e ndryshme të AI, dhe mundësitë e inkorporimit të sajë në industri të ndryshme.

Me një numër prej 35 pjesëmarrësve, prezenca e të cilëve ishte e ndarë në fizikisht dhe online, bootcampi u zhvillua ditën e parë me mentor Arbian Shkodra, CTO në Shqip.ai, platforma e parë shqip e cila funksionon me inteligjencë artificiale. Pjesëmarrësit diskutuan dhe u informuan mbi veglat e inteligjencës artificiale dhe mundësitë e panumërta të inkorporimit të sajë në industri të ndryshme.

Në ditën e dytë të workshopit me mentor Artan Xhaha, themelues i studios grafike Lart Design Studio u diskutua mbi përdorimin e intelgjencës artificiale në industrinë kreative. Veglat e ndryshme për të krijuar përmbajtje vizuale, procesin e krijimit të dizajneve dhe përpunimit të tyre, e të tjera.

Mentorët e këtij programi u siguruan që pjesëmarrësit të ndahen me informacione të qarta rreth inteligjencës artificiale, duke përdorur në kohë reale veglat e përmendura gjatë workshopit, të cilat rezultuan në njohjen e proceseve dhe mënyrave të aplikimit të AI.

Ky program realizohet nga Makerspace Innovation Center Prizren në partneritet me Nature Lovers, dhe mbështetet nga Ministria e Punëve të Jashtme dhe Diasporës