39 kandidatë të grupit të 3-të të këtij programi përfunduan trajnimin, prej të cilëve 11 ishin në Dizajn Grafik dhe 28 në Programim. Kandidatët gjatë kësaj faze përfituan shkathtësi dhe njohuri të reja në fushat e përzgjedhura, duke i plotësuar ata profesionalisht dhe duke i përgatitur për të vazhduar drejt mentorimit, ku do të përvetësojnë njohuritë e tyre duke punuar me projekte reale të asistuar nga mentorët e programit.

Përmbyllja e kësaj faze u shënjua me mbajtjen e një ceremonie ku u certifikuan kandidatët dhe pritëm mentorët dhe trajnerët e programit, si dhe përfaqësues nga mbështetësit e PowerUp: Digital Career, organizatës Help in Kosovo dhe Komunës së Prizrenit. 

Në kuadër të këtij programi u organizua edhe ngjarja “Studentët takojnë Ekspertët”, e cila kishte për qëllim të njoftonte studentët e rinj me ekspertë të fushave në shkathtësitë moderne. Ngjarje të tilla kontribuojnë në masë të madhe në krijimin e bashkëpunimeve, mundësive të reja si dhe zhvillimin e këtyre industrive.

Refije Şpati e certifikuar për trajnimin në programim tha se “Kemi kaluar shumë mirë gjatë trajnimit, kemi mësuar shumë gjëra të reja të cilat vetëm se mi përforcuan njohuritë e mija paraprake. Tani po fillojmë në fazën e mentorimit ku besoj se do të aftësohem profesionalisht për treg të punës.”

Certifikimi i kandidatëve të rinj në këto profesione tregon interesimin dhe vullnetin e të rinjve tanë për zhvillim dhe ngritje të kapaciteteve, si dhe suksesin tonë si implementues të këtij programi.

Për të gjithë ata të cilët janë në kërkim të profesionistëve të rinj në fushat e programimit dhe dizajnit grafik, mos hezitoni të na kontaktoni në: +38349/473/001 ose në emailin tonë zyrtarë info@makerspaceprizren.com . 

Ky program mbështetet nga Komuna e Prizrenit dhe organizata Help in Kosovo.