Programi PowerUp: Masterclass është dizajnuar me kujdes për të garantuar zhvillimin profesional për programerët dhe zhvilluesit e rinj. Kurrikula e këtij programi fokusohet në teknika të avancuara të Frontend, Backend dhe QA (testing), në mënyrë që ti pajisë kandidatët me aftësitë e duhura për të punuar në projekte reale, të cilat do të kenë ndikim të dukshëm në komunitet. 

Ky program është mundësia perfekte për zhvilluesit me njohuri bazike në programim, të sapo diplomuarit në shkenca kompjuterike apo të ngjashme, të trajnuarit nga trajnime të ndryshme për programim, si dhe freelancers që duan të thellohen më shumë në profesion dhe të ngrisin kapacitetin e tyre në nivel profesional. Pjesëmarrësit do të kenë mundësinë të punojnë në ekipe me njerëz nga fusha të ndryshme të programimit duke mësuar metodologjinë Scrum për punë dhe menaxhim të projekteve, duke krijuar një bazë të fortë për të ardhmen e karrierës së tyre.

14 javë trajnim intensiv dhe mentorim do të garantojnë një udhëtim të suksesshëm të pjesëmarrësve dhe ti udhëzojë ata drejt një ngritjeje profesionale. Këto 14 javë do të ndahen në 2 faza. Faza përgatitore (7 javë) do të përfshijë trajnime të avancuara në Frontend, Backend, dhe QA (testim), dhe faza tjetër Bootcamp-i (7 javë) ku kandidatët do të punojnë intenzivisht të ndarë në ekipe, dhe do të kenë mundësi të përdorin shkathtësitë e fituara nga faza paraprake.

Çmimi i programit PowerUp: Masterclass është 700 EUR. Me mbështetjen e Komunës së Prizrenit do të ofrohen bursa për pjesëmarrje në program nga 30% deri në 100%, sipas shkallëve:

• 2 bursa me 100% (Duke mbuluar koston e plotë të programit)

• 5 bursa me 70% (Pagesa/bashkëfinancim 210 EUR)

• 5 bursa me 50% (Pagesa/bashkëfinancim 350 EUR)

• 3 bursa me 30% (Pagesa/bashkëfinancim 490 EUR)

Përfitimi i bursës është i bazuar në meritë. Të gjithë aplikantët do t’i nënshtrohen procedurave të vlerësimit dhe përzgjedhjes dhe bursat do të shpërndahen për kandidatët që performojnë me rezultate më të larta.

Apliko duke mbushur formën përmes këtij linku, dhe fillo udhëtimin tënd profesional.

Për më shumë info klikoni këtu.

Data e fundit për aplikim: 23.10.2024

Ky program mbështetet nga Komuna e Prizrenit.