Gjatë disa muajve të trajnimit, pjesëmarrësit kanë kombinuar njohuritë teorike me punën praktike dhe zhvillimin e projekteve, duke ndërtuar aftësi në fusha si analiza e të dhënave, programimi, përpunimi dhe vizualizimi i të dhënave, si dhe përdorimi i teknologjive të Data Science.

Përmbyllja e programit u shënua me Data Science Hackathon, ku pjesëmarrësit u ndanë në ekipe dhe punuan në zhvillimin e zgjidhjeve të bazuara në të dhëna. Përmes këtij aktiviteti, ata patën mundësinë të aplikojnë në praktikë njohuritë e fituara gjatë trajnimit, duke prezantuar zgjidhjet e tyre para audiencës dhe duke demonstruar aftësitë në analizë, zgjidhje të problemeve dhe bashkëpunim në ekip.

Ceremonia e certifikimit ishte gjithashtu një mundësi për të falënderuar partnerët dhe mbështetësit që kanë kontribuar në realizimin e kësaj iniciative. Patëm kënaqësinë të mirëpresim përfaqësues dhe mbështetës të projektit z. Shaqir Totaj nga Komuna e Prizrenit, Majlinda Rizvanolli – Bajraktari nga Swisscontant – projekti Matching Skills to Jobs (MSJ), si dhe Rebecca Satterfield, mysafire e veçantë nga Ambasada e Shteteve të Bashkuara të Amerikës.

Programi u realizua nga Makerspace Innovation Center Prizren, i licencuar nga CNM Ingenuity (SHBA), me mbështetjen e Komunës së Prizrenit dhe Swisscontact përmes projektit Matching Skills to Jobs (MSJ). Ky bashkëpunim ka mundësuar sjelljen e një programi të avancuar të Data Science në Kosovë dhe krijimin e një mundësie konkrete për zhvillimin e aftësive të kërkuara nga tregu i punës.

Për ne, përfundimi i grupit të parë është vetëm fillimi. Përmes këtyre programeve synojmë të vazhdojmë ndërtimin e kapaciteteve vendore në Data Science, të forcojmë lidhjen mes aftësive digjitale dhe tregut të punës dhe të krijojmë më shumë mundësi për profesionistët që duan të zhvillohen në këtë fushë.